नेपाली कांग्रेस जनतालाई अधिकार दिलाउने पहिलो पार्टी हो : उपप्रधानमन्त्री सिंह

काठमाडौं । उपप्रधानमन्त्री एवं शहरी विकासमन्त्री प्रकाशमान सिंहले नेपाली कांग्रेस जनतालाई अधिकार दिलाउने पहिलो पार्टी भएको बताएका छन् । आइतबार काठमाडौंमा आयोजित एक कार्यक्रममा बोल्दै उनले यस्तो बताएका हुन् ।

उनले नेपाली कांग्रेस नेपालमा इतिहास बोकेको पार्टी भएको बताए । उनले इतिहास बोकेको पार्टीको महत्वको बारेमा ख्याल राखेर अघि बढ्न पार्टीका नेता र कार्यकर्तालाई निर्देशन दिए । उपप्रधानमन्त्री सिंहले नेपाली कांग्रेसले जनतालाई अधिकार दिलाउन नेपालमा अग्रणी भूमिका खेल्ने पार्टी भएको उल्लेख गर्दै अरु पार्टीको भन्दा जनताले बेग्लै किसिमले नेपाली कांग्रेसप्रति आशाको रुपमा हेर्ने गरेको बताए ।