काठमाडौं । नेपाल प्रिमियर लिग (एनपिएल)को इलिमिनेटर खेलमा कर्णाली याक्सका अर्का खेलाडी विलियम बोसिस्टोले पनि अर्द्धशतक प्रहार गरेका छन् । उनले ३७ बलमा अर्धशतका प्रहार गरेका हुन् ।
यसअघि प्लेअफका लागि कर्णाली याक्सका ओपनर जयकिशन कोल्सावालाले पनि अर्धशतक प्रहार गरेका थिए । उनले ३६ बलमा अर्द्धशतक प्रहार गरेका थिए । कर्णालीले १८.२ ओभरमा ५ विकेट गुमाएर १६४ रन जोडेको छ । कीर्तिपुरस्थित त्रिवि क्रिकेट मैदानमा अहिले भइरहेको खेलमा चितवनका कप्तान कुशल मल्लले टस जितेर पहिला बलिङ गर्ने निर्णय लिएका थिए । यससँगै कर्णाली याक्सले पहिला ब्याटिङ गरिरहेको छ ।
यस खेलको विजयी टोलीले फाइनल प्रवेशका लागि आजै हुने पहिलो क्वालिफायरको पराजित हुने टोलीसँग भोलि खेल्नेछ । कीर्तिपुरस्थित त्रिवि क्रिकेट मैदानमा आज हुने पहिलो क्वालिफायर खेलमा जनकपुर बोल्ट्स र सुदूरपश्चिम रोयल्सबीच प्रतिस्पर्धा हुनेछ । उक्त खेल दिउँसो १ः०० बजे हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया