१७ वर्षीया महिलाको हत्या, एक जना पक्राउ

काठमाडौं । १७ वर्षीया महिलाको हत्या गरेको अभियोगमा प्रहरीले एक जनालाई पक्राउ गरेका छन् । पक्राउ पर्नेमा घादिङ गजुरी गाउँपालिका–३ भई हाल काठमाडौं महानगरपालिका–१४ खड्कागाँउ बस्ने २४ वर्षीय विश्वास तामाङ रहेका छन् । 

घादिङ गजुरी घर भई चन्द्रगिरी नगरपालिका–१० सतुंगल खरिबोट बस्ने सरिता तामाङको हत्या अभियोगमा प्रहरीले विश्वासलाई उनकै कोठाबाट बिहीबार पक्राउ गरेको हो  ।

सुनिता गत मंसिर २९ गते देखि हराइरहेकी भनी उनका दाजुले प्रहरी चौकीमा उजुरी दिएका थिए । प्रहरीले सुनितालाई उनकै डेराबाट बिहीबार मृत फेला पारेको थियो । आरोपीतबाट प्रहरीले मृततको मोबाइलसमेत बरामद गरेको छ ।

पक्राउ पश्चात आरोपीतलाई जिल्ला प्रहरी परिसद काठमाडौं र प्रहरी वृत्त थानकोटबाट थप अनुसन्धान कार्य भइरहेको प्रहरीले जनाएको छ ।