काठमाडौं । राजधानीको पुतलीसडकस्थित शंकरदेव क्याम्पसमा रक्तदान सम्पन्न भएको छ ।
शुक्रबार शंकरदेव क्याम्पसका पूर्व स्ववियु सभापति एवं नेपाली कांग्रेसका नेता शुभराम बस्नेतकी माता स्वर्गीय बुद्धकुमारी बस्नेतको प्रथम वार्षिक पुन्यतिथिका अवसरमा रक्तदान भएको हो ।
स्वतन्त्र विद्यार्थी युनियन शंकरदेव र युवा रेडक्रस शर्कल शंकरदेवको संयुक्त आयोजनामा आयोजित रक्तदानमा विद्यार्थी, शिक्षक तथा विभिन्न क्षेत्रका व्यक्तिहरु उपस्थित रहेका थिए ।
‘रेडक्रस अभियान : रक्तदान जीवनदान’ नारासहित आयोजित कार्यक्रममा १५४ रक्तदाताहरुले रक्तदान गरेको शंकरदेव क्याम्पसका स्ववियु सभापति सुशान्त बस्नेतले जानकारी दिए ।
साथै रक्तदानमा सहभागि हुने र सहयोग गर्नेहरुलाई धन्यवाद समेत ज्ञापन गरे ।
स्वर्गीय बस्नेत २०३१ साल पुस १ गतेको चर्चित टिमुरबोटे काण्डका ज्युँदा शहीदका रुपमा परिचित एवं नेपाली कांग्रेस सोलुखुम्बुका पूर्व जिल्ला सभापति प्रभुराम बस्नेतकी धर्मपन्ती समेत हुन् ।
गत वर्ष बुद्धकुमारीको उपचारका क्रममा अमेरिकामा निधन भएको थियो ।
यो पनि
स्वर्गीय बस्नेतको १३औँ दिनको पुण्यतिथिमा रक्तदान
यो खबर पढेर तपाईलाई कस्तो महसुस भयो ?
प्रतिक्रिया