रुखको हाँगाले लागेर एक जनाको मृत्यु

काठमाडौं । मनहरीको राक्सिराङ गाउँपालिका-३ सिमलडाँडामा रुखको हाँगाले लागेर आइतबार एक जनाको मृत्यु भएको छ । मृत्यु हुनेमा सोही गाउँपालिका-५ ठाडे गाउँ बस्ने ५२ वर्षीय महादेव प्रजा रहेका छन् ।

स्थानीय जंगलमा पानीको कुलो खन्ने क्रममा एक्कासि सिमलको रुखको हाँगा भाँचिएर लाग्दा प्रजाको घटनास्थलमै मृत्यु भएको प्रहरी निरीक्षक ठाकुरप्रसाद सापकोटाले जानकारी दिए ।