पिकअपको ठक्करबाट वृद्धाको मृत्यु   

काठमाडौं । बारामा पिकअपको ठक्करबाट एक जना वृद्धाको मृत्यु भएको छ । बारागढी गाउँपालिका-२ दौर्वा चोकस्थित सडकमा दौर्वाबाट मलाहीतर्फ जाँदै गरेको प्रदेश २-०३-००१ च २८१० नम्बरको पिकअप गाडीको ठक्करबाट वृद्धाको मृत्यु भएको हो ।  

मृत्यु हुनेमा सोही ठाउँ बस्ने ७२ वर्षीया कबित्री देवी महरा रहेकी छन् । पिकअपको ठक्करबाट गम्भीर घाइते भएकी उनको प्रादेशिक अस्पताल कलैयामा उपचारको क्रममा मृत्यु आइतबार राति मृत्यु भएको हो ।

प्रहरीले पिकअप चालकलाई नियन्त्रणमा लिई दुर्घटनाका सम्बन्धमा आवश्यक अनुसन्धान गरिरहेको छ ।