खैरो हेरोइनसहित एक जना पक्राउ

काठमाडौं । चन्द्रागिरि नगरपालिका-२ नागढुङ्गाबाट अवैध लागुऔषध खैरो हेरोइनसहित एक जना पक्राउ परेका छन् । पक्राउ पर्नेमा मोरङ विराटनगर महानगरपालिका-८ बस्ने २९ वर्षीय जितेन्द्र राय रहेका छन् ।  

प्रहरी प्रभाग नागढुङ्गाबाट खटिएको प्रहरी टोलीले सोमबार बिहान पक्राउ गरेको हो । विराटनगरबाट काठमाडौंतर्फ आउँदै गरेको बा.प्र.०३-००१ ख २५४९ नम्बरको बसलाई जाँच गर्ने क्रममा बसमा सवार उनलाई करिब १ सय ग्राम हेरोइनसहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।