क्यालिफोर्नियामा भीषण आगलागी, हजारौँ मानिसको उद्धार 

अमेरिका । मंगलबारबाट तीव्र गतिमा फैलिरहेको डढेलोका कारण संयुक्त राज्य अमेरिकामा लस एन्जलसमा अवस्थित प्यासिफिक प्यालिसेड्सबाट हजारौँ मानिसको उद्धार गरिएको छ। सञ्चार माध्यमका अनुसार विमान र दमकलहरूले आगो निभाउने प्रयास गरिरहेको बताएकाे छ।

अधिकारीहरूका अनुसार उद्धार मार्गमा समेत आगो प्रवेश गर्न थालेपछि कतिपय मानिसहरू आफ्ना सवारीसाधन छाडेर भागेका छन्। बुल्डोजर प्रयोग गरेर झन्डै २०० सवारीसाधनलाई हटाइएको छ र अग्निनियन्त्रक र उद्धार गरिएका मानिसहरूलाई आवश्यक पर्ने मार्ग उपलब्ध गराइएको छ।