एउटै शरीर दुई टाउको भएका एबी र ब्रिटनीको तलब एउटै विषय फरक 

काठमाडौं । एबी र ब्रिटनी हेन्सेल, मिनेसोटाका जुम्ल्याहा दिदीबहिनी आफ्नो दुर्लभ अवस्थाले संसार भरि नै परिचित छन् । तर अहिले उनीहरूले आफ्नो दृढ संकल्पले पनि संसारलाई चकित पारेका छन् । १९९० मा जन्मेका जुम्ल्याहा ती दिदिबहिनीले एउटै शरीर बाडेका छन् । तर उनीहरुको दुई फरक व्यक्तित्व र अलग मस्तिष्क रहेको छ ।

जसले उनीहरूको जीवन साझा अनुभव र व्यक्तित्वको अद्वितीय मिश्रण बनाउँछ । शारीरिक अवस्था र सामाजिक चुनौतीहरूको बाबजुद पनि एबी र ब्रिटनीले आफ्नो सपनालाई पाँचौँ–कक्षाका शिक्षिका बनेर पछ्याएका छन् ।

एबी र ब्रिटनीले हामीले कल्पना पनि गर्न नसक्ने कुरा हासिल गरेका छन् । उनीहरुले मिनेसोटाको बेथेल विश्वविद्यालयमा शिक्षामा विशेषज्ञता हासिल गरे । शिक्षिका बन्ने उनीहरुको त्यो यात्रा उनीहरुको शैक्षिक क्षमताको प्रमाण मात्र थिएन । उनीहरुको जीवन जिउने दृढ संकल्पको प्रतिबिम्ब पनि थियो ।  

शिक्षिकाको रुपमा एबीले गणित विषय पढाउँछिन् भने ब्रिटनीले अंग्रेजी र सामाजिक अध्ययन जस्ता क्षेत्रहरूमा ध्यान केन्द्रित गर्छिन् । विषय फरक-फरक भए पनि उनीहरुको तलब भने एउटै रहेको छ । 

दुर्लभ अवस्थाका भए पनि उनीहरुले प्रेरणादायी गतिशीलता ल्याएर निर्बाध रूपमा सँगै काम गर्ने सक्ने क्षमताका लागि उनीहरु संसार भरिनै परिचित भएका छन् ।