विराटनगरबाट लागुऔषधसहित ४ जना पक्राउ

विराटनगर ।  विराटनगरबाट अवैध लागुऔषधसहित ४ जनालाई आइतबार प्रहरीले पक्राउ गरेको छ । पक्राउ पर्नेमा सुन्दरहरैचा नगरपालिका–७ का २२ वर्षीय विवश राई, २७ वर्षीय निरज चौधरी, विराटनगर–८ का २७ वर्षीय निर्दोष शिवाकोटी र विराटनगर–६ का २८ वर्षीय आषिश गिरी रहेका छन् ।

लागुऔषध नियन्त्रण ब्युरो विराटनगरको प्रहरी टोलीले भारतबाट नेपालतर्फ आउँदै गरेका राई र चौधरीमाथि शंका लागि चेकजाँच गर्ने क्रममा उनीहरुको साथबाट १ ग्राम २४ मिलिग्राम ब्राउन सुगर फेला पारी नियन्त्रणमा लिएको हो   

त्यस्तैगरी विराटनगर–१६ बाट प्रदेश १–०२–०५२ प ७७१९ नम्बरको स्कुटरमा सवार चालक शिवाकोटी र स्कुटरमा सवार गिरीलाई लुपिजेसिक, डाइजापाम, फेनरागन र एभिल गरी जम्मा २० एम्पुलसहित प्रहरीले नियन्त्रणमा लिएको हो । 

यस सम्बन्धमा प्रहरीले उनीहरुमाथि थप अनुसन्धान गरिरहेको छ ।