सुनको मूल्यमा सामान्य वृद्धि, चाँदीको मूल्य कति ?

काठमाडौं । अन्तर्राष्ट्रिय बजारमा सुनको मूल्यमा सामान्य वृद्धि भएसँगै त्यसको प्रभाव स्थानीय बजारमा पनि परेको छ । स्थानीय बजारमा प्रतितोला सुनमा  चार सयले वृद्धि भएको छ । 

आइतबार सोही परिमाणको पहेँलो धातु  एक लाख ५५ हजारमा खरिदबिक्री भएको थियो । आज एक तोला सुनको मूल्य  एक लाख ५५ हजार चार सय कायम भएको नेपाल सुनचाँदी व्यवसायी महासंघले जनाएको छ ।

यसैगरी, चाँदीको मूल्य प्रतितोलामा  १० ले बढेको छ । आजका लागि प्रतितोला चाँदीको मूल्य  एक हजार आठ सय ३० निर्धारण भएको छ ।