जुवातास खेलिरहेको अवस्थामा ६ जना पक्राउ

बर्दिया । जिल्लाको ठाकुरबाबा नगरपालिका–१ भुरीगाउँका स्थानीय लक्ष्मीकान्त न्यौपानेको घरमा जुवातास खेलिरहेको अवस्थामा प्रहरीले ६ जनालाई पक्राउ गरेको छ ।

विशेष सूचनाका आधारमा प्रहरी त्यहाँ पुगेको थियो ।

जिल्ला प्रहरी कार्यालय बर्दिया र इलाका प्रहरी कार्यालय बग्नाहा भुरीगाउँबाट खटिएको प्रहरीले उनीहरूलाई नगद ५१ हजार ८ सय ७० रूपैयाँ र ४ बुक तास सहित पक्राउ गरेको हो ।

उनीहरुलाई पक्राउ गरी आवश्यक अनुसन्धान भइरहेको प्रहरीले जनाएको छ ।