झापा, २५ कात्तिक । एमाले अध्यक्ष तथा वाम गठबन्धनका नेता केपी शर्मा ओलीले नेपाली कांग्रेसको नेतृत्वमा बनेको लोकतान्त्रिक गठबन्धलाई ‘लुटतान्त्रिक गठबन्धन’ भनेका छन् शनिबार बिहान झापा क्षेत्र नम्बर १ मा आयोजित कार्यकर्ता प्रशिक्षण कार्यक्रममा बोल्दै ओलीले वामपन्थी भनेकै लोकतान्त्रिक शक्ति भएको समेत दाबी गरे उनले भने, ‘हामी नै लोकतान्त्रिक शक्ति हौं, कांग्रेस पनि लोकतान्त्रिक शक्ति हुन सक्छ काहीँ ? कांग्रेसको गठबन्धन लुटतान्त्रिक गठबन्धन हो ।’ओलीले वाम गठबन्धनबाट कांग्रेस आत्तिएको बताउँदै उसलाई चटके कुरा गर्ने बानी परेको टिप्पणी गरे । अब मुलुकको नेतृत्व वामवन्थी शक्तिले लिने दाबी गर्दै ओलीले क्षेत्र नम्बर १ मा वाम गठबन्धनका तर्फबाट उम्मेदवार बनेका सुरेन्द्र कार्कीलाई भोट दिएर विजयी गराउन आग्रह गरे ।
यो खबर पढेर तपाईलाई कस्तो महसुस भयो ?
प्रतिक्रिया