गठबन्धनका उम्मेदवारलाई विजयी गराउन देउवा र राणाबीच छलफल

 नेपालगन्ज, २९ कात्तिक – बाँकेमा लोकतान्त्रिक गठबन्धनका उम्मेदवारलाई विजयी गराउने विषयमा नेपाली काँग्रेसका सभापति एवं प्रधानमन्त्री शेरबहादुर देउवा र राष्ट्रिय प्रजातन्त्र पार्टीका महामन्त्री तथा नेपालगन्ज उपमहानगरपालिकाका प्रमुख डा धवलशम्शेर राणाबीच आज छलफल भएको छ उहाँहरुबीचको छलफल प्रतिनिधिसभा र प्रदेशसभामा काँग्रेस र राप्रपाको लोकतान्त्रिक गठबन्धनलाई विजयी गराउन दुवै पार्टी थप सक्रिय हुनुपर्ने विषयमा केन्द्रित थियो अप्रत्याशित रुपमा नेकपा (एमाले) र नेकपा (माओवादी केन्द्र) बीच वाम गठबन्धन बन्नु र ती दलका नेताबाट मुलुकमा एक दलीय कम्युनिष्ट शासन ल्याउने अभिव्यक्ति आउनुले मुलुक अत्यन्तै संकटको घडीमा रहेको दर्शाएको उनीहरुको ठहर छ छलफलमा सभापति देउवाले लोकतन्त्र र प्रजातन्त्रको रक्षाका निम्ति यो चुनावमा मात्र नभएर आगामी दिनमा पनि काँग्रेस र राप्रपाबीच सहकार्य हुनुपर्ने आवश्यकतामा जोड दिँदै लोकतान्त्रिक गठबन्धनमा रहेका सबै उम्मेदवारलाई विजयी गराउन काँग्रेस र राप्रपाका कार्यकर्ता एकताबद्ध भएर लाग्नुपर्ने बताए ।