‘हजार जुनी सम्म’ को प्रदर्शन मिति एक साता पछि स-यो

काठमाण्डौ । चलचित्र ‘हजार जुनी सम्म’ को प्रदर्शन मिति एक साता पछि सरेको छ ।

निर्माणपक्षले जे कारण देखाएपनि साउन ३० मा रिलिज हुन लागेको बलिउड चलचित्र ‘साहो’को प्रभावका कारण ‘हजार जुनी सम्म’लाई एक साता पछि सारिएको हो ।

विकासराज आचार्यद्वारा निर्देशित चलचित्रमा आर्यन सिग्देल, स्वस्तिमा खड्का, प्रियंका कार्की लगायतका कलाकारले अभिनय गरेका छन् ।

चलचित्र भदौ ६ मा सरेसँगै अब बक्स अफिसमा चलचित्र ‘जाइरा’सँग भिडन्त हुने भएको छ । ‘जाइरा’को यूनिटले लामो समयदेखि भदौ ६ लाई प्रदर्शन मिति तय गरेर प्रचारलाई तिव्रता दिइरहेको छ ।

चलचित्रमा नम्रता श्रेष्ठ, अनुप विक्रम शाही लगायतको मुख्य भूमिका छ । ‘हजार जुनी सम्म’मा लभस्टोरी चलचित्र हो भने ‘जाइरा’ लभ स्टोरी र मार्सल आर्टको कथामा तयार भएको छ ।