काठमाडौं । मोरङमा स्कुल बस दुर्घटना हुँदा २ शिक्षिकासहित ३ जना घाइते भएका छन् ।
बुढीगंगा गाउँपालिका-३ स्थित गोकुवा चोकनजिकै नहरमा जेभियर्स बोर्डिङ स्कुलको को १ ख १९८२ नम्बरको बस आइतबार खस्दा दुई शिक्षिका र १ विद्यार्थी घाइते भएका हुन्।
उत्तरबाट दक्षिणतर्फ जाँदै गरेको बस विपरित दिशाबाट आउँदै गरेको मोटरसाइकललाई साइड दिने क्रममा चिप्लिएर नहरमा खसेको मोरङ प्रहरीले जनाएको छ ।
उनका अनुसार दुर्घटनामा सोही विद्यालयकी शिक्षिका बुढीगंगा-३ की २२ वर्षीया सम्झना अधिकारी, २४ वर्षीया रिविसा घिमिरे र कक्षा ३ की ८ वर्षीया बालिका सुरक्षा पौडेल घाइते भएका छन्।
घाइते सबैको विराट टिचिङ अस्तालमा उपचार भइरहेको छ । बसमा एक चालक, दुई शिक्षिका र १६ जना विद्यार्थी गरेर १९ जना सवार थिए ।
यो खबर पढेर तपाईलाई कस्तो महसुस भयो ?
प्रतिक्रिया