‘वान एमबी फेरी त्यो दिन’ नेपाल टुर असार २७ देखि हुने

गायक सुगम पोखरेलको ‘वान एमबी फेरी त्यो दिन’ नेपाल टुर हुने भएको छ ।
फेम नेपालको आयोजनामा देशका विभिन्न जिल्लामा आयोजना हुने कन्सर्ट सुगमको पहिलो इन्डोर कन्सर्ट हुनेछ ।

जुलाई १२ तारिक पोखराको किङ्स लाउन्जबाट सुरु हुने कन्सर्ट जुलाई १३ तारिक बुटवलको द कन्सेप्ट, जुलाई १५ तारिक नारायणगढको ग्यालेक्सी एम्पायर, जुलाई १७ तारिक इटहरीको इम्पेरियल, जुलाई १९ तारिक धरानको भिन्टेज हुँदै जुलाई २६ तारिक काठमाण्डौको प्ले बोई क्लबमा हुनेछ ।

काठमाण्डौ बाहिर साँझ ६ बजे देखि ११ बजे सम्म आयोजना हुने कन्सर्ट काठमाण्डौमा भने राति ९ बजे देखि बिहान ४ बजे सम्म हुने आयोजकले जनाएको छ । कन्सर्टमा गायक पोखरेलले आफ्ना दर्जन बढी नयाँ तथा पुराना गीतहरु प्रस्तुत गर्ने छन् ।