वाम गठबन्धनको गाडी बल्यो दन्दनी

संखुवासभा, ३ मंसिर । संखुवासभाको चैनपुरमा बामगठबन्धनको चुनाबी अभियानमा प्रयोग गरेको गाडी अज्ञात समूहले आगजनी गरेका छ । आइतबार राती करिब २ बजे को १ ज २१२३ नं. को ल्याण्डरोबर गाडीमा आगजनी गरेको हो । बसपार्क नजिकै पार्किङमा राखिएको चैनपुरका आशिष शाक्यको गाडी जलाईएको हो गाडी कस्ले र किन जलाएको भन्ने पत्ता लागेको छैन । आगजनी गर्नेहरुको खोजी कार्य भइरहेको इन्सपेक्टर वेदप्रसाद गौतमले बताए । उक्त गाडी बाम गठबन्धनका उम्मेदवारहरुले चुनावी प्रचारप्रसारमा प्रयोग गर्दै आएका थिए ।