मौन अवधिमा स्थानीय भेला गरेको भन्दै देवयानीमाथि आक्रमण

सिन्धुपाल्चोक, ८ मंसिर । मौन अवधि चलिरहेको बेला चुनावीसभा गरेको भन्दै राप्रपा प्रजातान्त्रिकका अध्यक्ष पशुपति शमशेर जबराकी छोरी देवयानीलाई सिन्धुपाल्चोकमा वामपन्थी कार्यकर्ताले अवरोध गरेका छन् बुबा जबरालाई चुनाव जिताउन केही दिनदेखि सिन्धुपाल्चोकमा खटिएकी देवयानीलाई वामपन्थी कार्यकर्ताले आक्रमणको प्रयास गरेपछि सुरक्षाकर्मीले स्कर्टिङ गरी काठमाडौं पठाएका छन् शुक्रबार विहान चौतारा नगरपालिकाको कल्लेरीस्थित कांग्रेस नेता यज्ञप्रसाद दंगालको घरमा स्थानीय भेला गरेको भन्दै वामपन्थी कार्यकर्ताले आपत्ति जनाएका थिए । सो क्रममा कार्यकर्तासँग विवाद हुँदा एकजनाले पानीको जार उठाएर देवयानीमाथि आक्रमण गरेका थिए मौन अवधिमा निर्वाचन आचारसंहिता उल्लंघन गरेको भन्दै एमाले र माओवादीका कार्यकर्ताले विरोध गरेका थिए । पानीको जारबाट देवयानी बच्न सफल भइन देवयानीलाई सशस्त्र प्रहरीले स्कर्टिङ गरि सैनिक क्याम्पमा राखेको थियो । त्यहाँ पनि वामपन्थी कार्यकर्ताले नाराबाजी गरेपछि उनलाई सुरक्षा सहित काठमाडौं पठाइएको प्रहरीले जनाएको छ ।