कांग्रेसलाई सत्ता चलाउने तालिम दिने भन्दै के भने नवराज सिलवालले यस्तो ?

काठमाडौं, १२ मङ्सिर – पूर्वडिआईजी नवराज सिलवालले अब आफूहरुले कांग्रेसलाई सत्ता कसरी चलाउने भन्ने प्रशिक्षण दिने बताएका छन् । ललितपुर प्रतिनिधिसभा क्षेत्र नम्बर १ का उम्मेदवार उनले ललितपुरको लगनखेलमा आयोजित वाम गठबन्धनको चुनावी सभालाई सम्बोधन गर्दै यस्तो बताएका हुन् ‘२३ महिनासम्म कांग्रेसले सत्ता चलायो अब प्रतिपक्षीको बेन्चमा बस्नु ।’, उनले भने, ‘ त्यसपछि हामी तपाईँहरुलाई कसरी शासन चलाउने भन्न प्रशिक्षण दिन्छौं ।’उनले लोकतन्त्रका मूल मान्यता भत्काउने कांग्रेस नै भएको आरोप लगाउँदै कांग्रेस चुनावपछि लोकतान्त्रिक मूल्य मान्यता स्थापित गर्ने वाम सरकार बन्ने बताए ।