प्रिमियर लिगमा चेल्सी र म्यान्चेस्टर युनाईटेड विजयी, आर्सनल पराजित

काठमाडौं, १७ मंसिर । इङलिस प्रिमियर लिग फुटबलमा चेल्सी र म्यान्चेस्टर यु्नाईटेड विजयी भएका छन् गएराति आफ्नै घरेलु मैदान स्टामफोर्ड ब्रिजमा भएको खेलमा चेल्सीले न्युकासल युनाईटेडलाई ३–ले पराजित ग¥यो । चेल्सीको जितमा इडेन हाजार्डले दुई तथा अल्भारो मोराटाले एक गोल गरे पराजित टोली न्युकासलका लागि भने ड्वाइट गेलले एक गोल गरेका थिए यस्तै शनिबारराति नै भएको अर्को खेलमा म्यान्चेस्टर युनाईटेडले आर्सनललाई ३–१ ले पराजित गरेको छ आर्सनलको मैदानमा भएको खेलमा म्यानचेस्टर युनाईटेडलाई विजयी गराउन जेस्सी लिङ्गार्डले दुई तथा एन्टोनियो भ्यालेन्सियाले एक गोल गरे । आर्सनलका अलेक्जेण्डर लाकाजेट्ले एक गोल फर्काए यसैगरी लिरभपूलले ब्राईटनलाई ५–१ ले हरायो । लिभपूलको लागि रोबर्टो फिर्मिनोले दुई गोल गरे भने फिलिप कौटिन्हो र एम्रे च्यानले एक–एक गोल गरे । ब्राईटनका लेविस डङ्कले एक आत्मघाती गोल गरेका थिए प्रिमियर लिग फुटबलमा वाट्फोर्डले टोटनह्याम हट्सपरलाई १–१ गोलको बराबरीमा रोक्यो भने एभर्टनले हडर्सफिल्ड टाउनलाई २–० ले हरायो यसैगरी लेष्टर सिटीले बर्नलीलाई १–० ले हराँउदा स्टोक सिटीले स्वान्सी सिटीलाई २–१ ले पराजित गरेको छ । वेष्ट ब्रोम र क्रिष्टल प्यालेसले भने गोलरहित बराबरी खेल्दै अंक बाँडेका छन् प्रिमियर लिग फुटबलमा आज दुई खेल हुनेछन् । शीर्ष स्थानको म्यान्चेस्टर सिटीले वेष्ट ह्याम युनाईटेडसँग खेल्नेछ भने बर्नमाउथ र साउथह्याम्पटन आमनेसामुने हुनेछन् ।