अत्याधिक गर्मीका कारण भारतमा ७१ जनाको मृत्यु

काठमाडौं । अत्याधिक गर्मीका कारण भारतमा ७१ जनाको मृत्यु भएको छ । 
भारतको बिहारस्थित औरंगाबाद जिल्लामा ३३, गयामा २५ र नवादामा १३ जना गरी ७१ जनाको मृत्यु  भएको बीबीसीले जनाएको छ । 

तर बिहार सरकारले भने यसको पुष्टि गर्न बाँकी रहेको समाचारमा उल्लेख छ । राज्य सरकारका प्रधान सचिवले उनीहरुको ज्यान जानुको कारणबारे अध्ययन गरेपछि मात्र सार्वजनिक गरिने बताएका छन् । 

सरकारले ज्यान गुमाएका परिवारलाई ४-४ लाख रुपैयाँ अनुदान दिने घोषणा गरेको छ ।