काठमाडौं– प्रहरीसँगको झडपमा मृत्यु भएका प्रतिवन्धित विप्लव समूहका सर्लाही जिल्ला इन्चार्ज तथा जनकपुर ब्यूरो सदस्य कुमार पौडेललाई प्रहरीले हत्या गरेको सो पार्टीले दाबी गरेको छ ।
विप्लव पार्टीका जनकपुर ब्यूरो इन्चार्ज अरुणले एक विज्ञप्ति जारी गर्दै प्रहरीले बिहीबार दिउँसो सर्लाहीको लालबन्दी नगरपालिका वडा नम्बर १ स्थित लखन्ती खोलामा साथीहरु कुरिरहेको अवस्थामा नियन्त्रणमा लिएर हत्या गरेको दाबी गरेका छन् । उनी जिल्ला इन्चार्ज भएको थाहा पाएपछि एक गोली हातमा र अर्को गोली टाउकोमा प्रहार गरी हत्या भएको विज्ञप्तिमा दाबी गरिएको छ ।
विज्ञप्तिमा हत्याको भत्सर्ना गर्दै यसको बदला एकीकृत जनक्रान्तिकै माध्यमबाट लिने जनाइएको छ । विज्ञप्तिमा पौडेको मृत्युले पार्टीलाई ठूलो क्षति पुगेको भन्दै उनीलाई सहिद घोषणा गरिएको छ ।
यो खबर पढेर तपाईलाई कस्तो महसुस भयो ?
प्रतिक्रिया