पुर्वबाट सोलुखुम्बुका लागी छुटेको यात्रुबाहक बस ओखलढुगांमा दुर्घटना हुँदा ३ जनाको मृत्युु भएको छ भने १५ जना घाइते भएको खबर छ ।
काँकडभिट्टाबाट सोलुखुम्बुतर्फ जाँदै गरेको मे १ ख १८९१ नम्बरको बस बुधबार बिहान ३ बजेको समयमा दुर्घटना भएको हो । सिद्धिचरण राजमार्गअन्तर्गत मानेभञ्ज्याङ गाउँपालिका–६ डढुवामा भएको दुर्घटनामा दुई जना पुरुष र एक जना महिलाले ज्यान गुमाए । उनीहरुको सनाखत हुन सकेको छैन ।
दुर्घटनामा परी घाइते भएका ११ जनालाई उपचारका लागि उदयपुरको घुर्मी अस्पतालमा लगिएको जिल्ला प्रहरी कार्यालय ओखलढुंगाले जनाएको छ ।
गम्भीर ४ जना घाइतेलाई हेलिकोप्टरबाट काठमाडौं ल्याइएको छ ।
पानी परिरहेकाले बाटो चिप्लो भएका कारण बस दुर्घटना भएको प्रहरीले प्रारम्भिक अनुमान गरेको छ ।
यो खबर पढेर तपाईलाई कस्तो महसुस भयो ?
प्रतिक्रिया