आज हरिशयनी एकादशी, तुलसी रोपिँदै

काठमाडौँः आज आषाढ शुक्ल एकादशी अर्थात् हरिशयनी एकादशी। हिन्दु धर्मावलम्बीले घरमा बनाइएको मोठमा तुलसीको विरुवा रोप्दैछन् ।

यस अवसरमा निराहार व्रत बसी भगवान् विष्णु र तुलसीको पूजा अर्चना गर्ने गरिन्छ।

तुलसी रोप्ने घरमा देवताको बास भइरहन्छ भन्ने विश्वास जनमानसमा छ। यमदूत स्वप्नमा पनि सो घरमा पुग्न नसक्ने विश्वास गरिन्छ। तुलसीको बोटमा नियमित जल चढाउनाले मनोकामना पूरा हुने विश्वास छ।

उपत्यकासहित देशका विभिन्न मन्दिरहरुमा पनि आज विशेष मेला लाग्ने गर्छ।