हेलिकोप्टर चार्टर गरेर चलचित्रको शुभ–मुहूर्त

काठमाडौं । चलचित्र ‘म यस्तो गीत गाउँछु २’ को मंगलबार शुभ–मुहूर्त गरिएको छ ।

निर्देशक सुदर्शन थापा, अभिनेता पल शाह र अभिनेत्री पूजा शर्मा काठमाडौं देखि हेलिकोप्टर चार्टर गरेर शुभ–मुहूर्तका लागि मनकामना पुगेका थिए ।

सुदर्शन थापा प्रोडक्सनको व्यानरमा निर्माण हुन लागेको चलचित्र ‘म यस्तो गीत गाउँछु २’ असोजदेखि छायाँकनमा हुँने बताईएको छ । फिल्ममा पल र पूजासँगै सलोन बस्नेत पनि मुख्य भूमिकामा रहनेछन् ।

पछिल्लो समय चलचित्रको लगानी बालुवामा पानी भइरहेको बताए पनि कलाकारहरुको तडकभडकमा कमी आएको छैन । एकदुई छोडेर भन्ने हो भने सबै फिल्मका लगानी डुबेका छन् ।

तर पनि निर्माता निर्देशकले चर्चाका लागि फिल्म निर्माणमा मात्र होइन, शुभ–मुहूर्तमा समेत तडक भडक गर्ने गरेको भन्दै आलोचना हुने गरेको छ । यस्तै तडक भडक ‘म यस्तो गीत गाउँछु २’ ले पनि गरेको छ ।