नीलिमाको ‘मन पन्छी’ सार्वजनिक (भिडियो सहित)

काठमाण्डौं । नेपाल आइडल सिजन २ की गोल्डेन माईक होल्डर गायिका नीलिमा थापा मगरको ‘मन पन्छी’ बोलको गीत सार्वजनिक भएको छ ।

डिपी खनालको शब्द तथा मनोज थापा मगरको संगीत रहेको गीत नीलिमाले जन्मदिनको अवसर पारेर सार्वजनिक गरेकी हुन् ।

संगीत संयोजन देवेश राईको रहेको छ भने सागर सुब्बाले मिसिङ गरेका छन् । अभेस बज्राचार्यले छायांकन गरेको म्युजिक भिडियोलाई माधव बेल्बासेले सम्पादन गरेका हुन् । यो गीतलाई मोहन राज अधिकारीले निर्देशन गरेका छन् ।