सञ्चारकर्मी अधिकारीको ‘तिजैमा ब्रत बसी’ सार्वजनिक (भिडियो सहित)

काठमाडौं । सञ्चारकर्मी गीता अधिकारी ‘तीजैमा ब्रत बसी’ बोलको तिज गीत सार्वजनिक भएको छ ।

मिलापको प्रस्तुतिमा गीता अधिकारीको शब्द रहेको गीतको भिडियो ‘तीजैमा ब्रत बसी…’ आज राजधानीको पुरानो बानेश्वरमा एक कार्यक्रमबीच सार्वजनिक गरिएको हो ।

नायिका तथा गायिका सारिका घिमिरेको स्वरमा र नायिका पुजना प्रधान, सारिका र गीता लगायतका कलाकारको अभिनय रहेको गीतको भिडियो सार्वजनिक कार्यक्रममा शुभकामना मन्तव्य राख्दै अतिथिहरुले गीत मौलिकता बोकेको र भिडियो पनि उत्कृष्ट रहेको बताएका थिए ।

नारायण रिजालले निर्देशन गरेको गीतको भिडियोमा योगेश काजीको लय सङ्कलन तथा एरेन्ज, एचवीन किस्मतको अडियो मिक्सिङ रहेको छ । गीतको भिडियोलाई वीरेन्द्र भाट ‘विपिन’ले छायाँकन गर्नुभएको हो ।

‘हामीले गत वर्ष सन्देश मुलक तीज गीत स्रोता÷दर्शकमाझ पस्केका थियौ, यसपालीको तीजमा दुःख पीडा भुलेर खुलेर नाचौ भन्ने खालको तीज गीत लिएर आएकी छु, सबैले मनपराई दिनुहुन्छ भन्ने आशावादी छु’, गीताले बताउनुभयो ।

यस्तै नायिका पुजनाले ‘एउटा राम्रो तिज गीत पस्किने हाम्रो कोशिस रहेको छ, म यसमा खुलेर नृत्य गरेकी छु, पक्कै पनि सबैले मन पराइदिनुहुन्छ भन्ने लाग्छ’ बताउनुभयो ।