काठमाडौं । सञ्चारमन्त्री तथा सरकारका प्रवक्ता गोकुल प्रसाद बाँस्कोटाले भारतीय गुप्तचर प्रमुख ‘रअ’ का प्रमुख सामन्त गोयसंग प्रधानमन्त्री केपी शर्मा ओलीले भेट नगरेको दाबी गर्नुभएको छ ।
बिहीबार मन्त्रालयमा आयोजित नियमित पत्रकार सम्मेलनमा बोल्दै सञ्चारमन्त्री बास्कोटाले रअका प्रमुखसँग प्रधानमन्त्रीको भेट नभएको बताउनुभएको हो ।
उहाँले भन्नुभयो, “प्रधानमन्त्रीले रअका प्रमुखसँग भेटको हामीलाई थाहा छैन । रअका प्रमुख यदि आएको हो र भेटेको हो भने पनि प्रचलित डिप्लोमेटिक प्राटोकलकै आधारमा भेटघाट हुनुपर्छ । क–कसले भेट्नु भयो हामीलाई थाहा पनि छैन” ।
“प्रधानमन्त्रीले भेटघाट गरेका छैनन् । सञ्चार माध्यमले हुँदै नभएको कुइरिमण्डलको खेती नगरौँ । जस-जसलाई भेट्ने बानी छ उनीहरुले भेटे होलान् ।” मन्त्री बास्कोटाले भन्नुभयो ।
यो खबर पढेर तपाईलाई कस्तो महसुस भयो ?
प्रतिक्रिया