स्वस्तिमासँग ९ दिन बिताएका आर्यनको कथा (भिडियो सहित)

काठमाडौं । साउन ३० गतेबाट प्रदर्शनमा हुने विकासराज आचार्यद्वारा निर्देशित चलचित्र ‘हजार जुनीसम्म’ को ट्रेलर सार्वजनिक भएको छ ।

चलचित्रको ट्रेलर काठमाण्डौंमा एक कार्यक्रमबीच सार्वजनिक गरिएको हो । युट्युव मार्फत सार्वजनिक गरिएको ट्रेलरमा एक पागलप्रेमीको कथालाई प्रस्तुत गरिएको छ ।

विशाल चाम्लिङको कथा तथा लगानी रहेको चलचित्र ‘हजार जुनीसम्म’मा आर्यन सिग्देल, स्वस्तिमा खड्का, प्रियंका कार्की, सञ्चिता लुइँटेल, सलोन बस्नेत, शिवहरि पौडेल, अनुभव रेग्मी, अखिलेस प्रधान लगायतका कलाकारको अभिनय रहेको छ ।

कविराज गहतराजको कोरियोग्राफी, अर्जुन जिसीको सम्पादन तथा पुरुषोत्तम प्रधानले छाँयांकन गरेको चलचित्रको स्किृप्ट तथा संवाद सामीप्यराज तिमिल्सिनाको रहेको छ ।