दिवस र सुजताको ‘रे’ साउन २४ बाट (भिडियो सहित)

काठमाण्डौं । चलचित्र ‘रे’ साउन २४ गतेबाट प्रदर्शनमा आउने भएको छ । प्रदर्शन मिति नजिकिँदै गर्दा चलचित्रको ट्रेलर रिलिज गरिएको छ ।

ट्रेलरमा खलनायक सुनील थापा डनको रूपमा प्रस्तुत हुनुभएको छ । अभिनेता दिवस धिताल र अभिनेत्री सुजाता थापाबीचको प्रेमसम्बन्धमा सुनील थापा बाधक बनेको देखिन्छ ।

दिनेश पौडेलको लेखन निर्देशन रहेको चलचित्र रे एक्सन प्रधान जनरामा आधारित रहेको छ । एक्सनसँगै सामाजिक प्रेमकथामा फिल्म आधारित भएको निर्माण पक्षले जनाएको छ ।

चलचित्र राजेन्द्र त्रिपाठीले निर्माण गर्नुभएको हो । सुनील थापा, दिवस धिताल, सुजाता थापा, पूर्णिमा लामा, क्रान्ति रसाइली, रक्षा गुरागाईं, अभिषेक जोशी लगायतका कालाकारको चलचित्रमा अभिनय छ ।