राष्ट्रिय परीक्षा बोर्ड २०७५ मा संचालित कक्षा १२ को परीक्षामा पोखराको प्रतिभा मा वि की छात्रा शुरती पाण्डेले व्यवस्थापन संकायमा देशभरमै सर्वोत्कृष्ट विद्यार्थी हुन सफल भएकी छिन् ।
सोमबार सार्बजनिक नतिजामा ३.९२ जिपिए सहित देशभरमै सर्वोउत्कृष्ट नतिजा ल्याउन सफल भएको बिद्यालयका प्राचार्य विश्व गोपाल पराजुलीले बताए ।
“व्यवस्थापन संकायबाट सर्वोत्कृष्ट नतिजा प्राप्त भएकोमा विद्यालयको शैक्षिक शान बढेको छ” पराजुलीले भने…
प्राचार्यको अनुसार विद्यालयबाट विज्ञान संकाय समेत ३.७९ उच्चतम जिपिए सहित विद्यालयको समग्र नतिजा उत्कृष्ट रहेको छ । गण्डकी प्रदेशमा प्रतिभा मा बि विज्ञान र व्यवस्थापन संकायमा सबै भन्दा धेरै बिद्यार्थीहरुको रोजाईमा पर्ने गरेको छ ।
उत्कृष्ट बिद्यार्थीहरुको शैक्षिक गन्तब्य बनेको प्रतिभाले देश भरमै प्रतिस्पर्धा गर्न सक्ने नतिजा ल्याउने गरेको छ । गत बर्ष प्रतिभा बाट विज्ञान र व्यवस्थापन संकायबाट ४८० बिद्यार्थीले परीक्षा दिएका थिए ।
यो खबर पढेर तपाईलाई कस्तो महसुस भयो ?
प्रतिक्रिया