साप्ताहिक राशिफल: साउन २५ देखि ३१ गतेसम्म कुन राशिलाई कस्तो ? हेर्नुहोस्

बिप्लव जमकटेल

२०७६,श्रावण,२५,शनिवार ०७:१६

काठमाडौं | आज साउन २५ गते शनिबार | साउन २५ देखि ३१ गतेसम्मको राशिफल कुन राशिको दिनचर्या करतो रहनेछ ? हेर्नुहोस् |

मेष ( चु, चे, चो, ला, लि, लु, ले, लो, अ )

यो सातामा ढिलै भए पनि काम सम्पन्न हुनेछ । चुनौती चिर्दै काम बनाउन सकिनेछ । आतिथ्यपूर्ण सम्मान पाइएला । व्यावसायिक कार्यमा राम्रै फड्को मार्न सकिनेछ । पारिवारिक सद्भाव बढ्नेछ । रोजगारको अवसर पनि मिल्नेछ । यो साताका लागि शुभअङ्क ३,५ र शुभरङ्ग रातो वा हरियो हो । कुनै शुभकर्म गर्नु अघि महादेवको आरधना गरी यात्रा गर्नाले अधिक सफलता मिल्नेछ ।

वृष ( इ, उ, ए, ओ, वा, वि, वु, वे, वो )
यो सातामा चिताएको कामले तीव्रता लिनेछ । मन अध्यात्म र दर्शनतर्फ आकर्षित बन्नेछ । विश्वासपात्रले प्राय: काममा साथ दिनेछन् । छोटो यात्रा सफल नै हुन्छ । समाजमा कुरा काट्नेको सङ्ख्या बढे पनि दाजुभाइले राम्रो सहयोग गर्नेछन् । यो साताका लागि शुभअङ्क ४,७ र शुभरङ्ग निलो हो । कुनै शुभकर्म गर्नु पूर्व भैरवजीको स्मरण गरी कार्य आरम्भ गर्दा अधिक लाभ मिल्नेछ ।

मिथुन ( का, कि, कु, घ, ङ, छ, के, को, हा )

विभिन्न अवसरले पछ्याउनेछन् । पारिवारिक सद्भाव बढ्नेछ । सुन्दर पहिरनले ब्यक्तित्वमा निखारता ल्याउनेछ । प्रेम र मित्रताको बन्धन कसिने बेला छ । सातको मध्यमाभने लगनशीलताको कमिले गर्दा ठूलो उपलब्धि हातपार्न नसकिएला । यो साताका लागि शुभअङ्क १,६ र शुभरङ्ग हरियो वा रातो हो । कुनै शुभकर्म गर्नु अघि हनुमानजीको दर्शनगरी यात्रा गर्नाले अधिक सफलता मिल्नेछ

कर्कट ( हि, हु, हे, हो, डा, डि, डु, डे, डो )

यो सातामा जुक्ति तथा बुद्धिको प्रयोगले समस्या सुल्झाउन सकिनेछ । पठनपाठन र प्राज्ञिक क्षेत्रबाट लाभ मिल्नेछ । वैदेशिक क्षेत्रको काम अघी बढ्नेछ । लगनशीलताले परिस्थितिलाई बदल्न सक्छ । धार्मिक/सांस्कृतिक सभासमारोहमा सरिक हुने सम्भावना रहेकोछ । यो साताका लागि शुभअङ्क ३,८ र शुभरङ्ग पहेंलो वा हरियो हो । कुनै शुभकर्म गर्नु पूर्व नवग्रहको दर्शनगरी कार्य आरम्भ गर्दा अधिक सफलता मिल्नेछ ।

सिंह ( मा, मि, मु, मे, मो, टा, टि, टु, टे )

मनमा चञ्चलता बढ्नेछ । योजना कार्यान्यनमा ढिलाइ गर्नाले आफैंपछि परिनेछ । टाउको एवं आँखा दुख्ने समस्याले सताउनसक्छ । मध्य सातामा धनार्जनका नयाँ स्रोतहरू पत्ता लाग्नेछन् । आर्थिक क्षेत्र मजबुत हुने देखिन्छ । यो साताका लागि शुभअङ्क ५,९ र शुभरङ्ग खैरो वा सेतो हो । कुनै शुभकर्म गर्नु पूर्व वा यात्रामा जानु अघि दुर्गाजीको दर्शनगरी आरम्भ कार्य गर्दा अधिक सफलता मिल्नेछ ।

कन्या ( टो, पा, पि, पु, ष, ण, ठ, पे, पो )

आफ्नो अधिकार प्राप्तिका लागि संघर्श गर्नु पर्ला । प्रेमी र प्रेमिकाका बिच खिन्नता बढ्नेछ । ताके अनुरूप काम नबन्नाले दिक्क लाग्नेछ । मध्य साताबाट धर्म,कर्म तथा समाजसेवामा मन लाग्नेछ । आकस्मिक धन लाभ हुनेछ । वाहान सुख मिल्नेछ । यो साताका लागि शुभअङ्क ४,७ र शुभरङ्ग सेतो हो । शुभकर्म गर्नु पूर्व वा यात्रामा जानु अघि महादेवको स्मरणगरी यात्रा आरम्भ गर्दा अधिक सफलता मिल्नेछ ।

तुला ( रा, रि, रु, रे, रो, ता, ति, तु, ते )

कार्यसिद्धि हुने अवसर मिल्नेछ । मन लोभ्याउने पहिरनले अरूको नजर आफूमाथि पार्नेछ । मनोरञ्जनका साथै धार्मिक कार्यमा रुचि बढ्नेछ । मध्य सातामा भने अरुको भरपर्दा हानी हुने र विश्वास गुम्नेछ । आफ्नो महत्त्वपूर्ण कार्यमा व्यवधान आइपर्ला । यो साताका लागि शुभअङ्क ४,५ र शुभरङ्ग गुलाबी वा सेतो हो । कुनै शुभकर्म गर्नु पूर्व गणेशजीको दर्शनगरी यात्रा आरम्भ गर्दा अधिक सफलता मिल्नेछ ।

वृश्चिक ( तो, ना, नि, नु, ने, नो, या, यि, यु )

नयाँ नयाँ काम गरि समाजको ध्यान आफुतिर आकर्षित गर्न सकिनेछ । जटिल ठानिएको कार्य सम्पादन हुनेछ । दाम, इनाम र प्रतिष्ठा कमाउने बेलाछ । धार्मिक, सामाजिक महत्वको क्षेत्रको भ्रमण हुनसक्छ । माया गरेको मानिसबाट उपाहार प्राप्तिको योग रहेकोछ । यो साताका लागि शुभअङ्क ४,७ र शुभरङ्ग रातो वा निलो हो । कुनै शुभकर्म गर्नु पूर्व भैरवजीको स्मरण गरी कार्य आरम्भ गर्दा अधिक लाभ मिल्नेछ ।

धनु ( ये, यो, भा, भि, भु, धा, फा, ढा, भे )

साताको सुरुका दिनमा केहि अनावश्यक झमेलामा परिएला । दैनिक व्यवहारमा खर्च बढ्न सक्छ । मध्य साताबाट मनमा हर्ष,उमङ्ग र उत्साह छाउला । कार्य सम्पादनमा सहजता मिल्नेछ । परीक्षा आदि प्रतिस्पर्धामा उर्तिण हुनसकिनेछ । यो साताका लागि शुभअङ्क १,७ र शुभरङ्ग खैरो वा कालो हो । कुनै शुभकर्म गर्नु पूर्व शिव भगवानको ध्यान गरी कार्य आरम्भ गर्दा अधिक लाभ मिल्नेछ ।

मकर ( भो,जा,जि,जु,जे,जो,ख,खि,खु,खे,खो,गा,गि )

समाजसेवातर्फ आकर्षित भइनेछ । रिस, आवेग र क्रोधलाई नियन्त्रणमा राखी काम गर्दा राम्रो प्रतिफल पाइनेछ । सजिलै अरुको बिश्वास जित्न सकिनेछ । विद्या र बुद्धिको विकास हुनेछ । कुनै नयाँ ठाउँमा निवेश र लगानीको वातावरण बन्नेछ । यो साताका लागि शुभअङ्क २,८ र शुभरङ्ग गुलाबी वा घ्यूरङ्ग हो । कुनै शुभकर्म गर्नु पूर्व माता बगलामुखीको दर्शनगरी कार्य आरम्भ गर्दा अधिक सफलता मिल्नेछ ।

कुम्भ ( गु, गे, गो, सा, सि, सु, से, सो, दा )

आँटेको र ताकेको कार्य पुरा हुनेछ । मुद्दा–मामिलामा विजयी भइनेछ । साथी भाईको भेटघाटले मन प्रफुल्ल रहला । धार्मिकरसांस्कृतिक सभासमारोहमा सरिक हुने अवसर मिल्नेछ । साताको अन्त्यमा अरुको भलाइका लागि दौडधूप गर्नु पर्नेछ । यो साताका लागि शुभअङ्क २,९ र शुभरङ्ग सेतो हो । कुनै शुभकर्म गर्नु पूर्व वा यात्रामा जानु अघि आफ्नो इष्टदेवताको ध्यानगरी कार्य आरम्भ गर्दा शुभफल प्राप्त हुनेछ ।

मीन ( दि, दु, थ, झ, ञ, दे, दो, चा, चि )

काम गर्ने जाँगर बढ्नुका साथै शरीर पनि स्वस्थ रहनेछ । सामाजिक सभासमारोहमा भाग लिनु पर्नेछ । दुरदराजमा रहेका आफन्तजनसँग सम्बन्ध कायम हुनेछ । मनमा कुनै नयाँ काम गर्ने विचार आउनसक्छ । गरेको काममा सफलता मिल्दै जानेछ । यो साताका लागि शुभअङ्क ३,८ र शुभरङ्ग कालो वा घिउरङ्ग हो । कुनै शुभकर्म गर्नु पूर्व देवीजीको स्मरण गरी कार्य आरम्भ गर्दा अधिक लाभ मिल्नेछ ।