सिंहदरबार हिरासतबाट यसरी भागे दुई थुनुवा

काठमाडौं । महानगरीय प्रहरी वृत सिंहदरबारको हिरासतबाट चोरी मुद्दामा थुनामा रहेका दुई थुनुवा भागेका छन् ।

शनिबार विहान ह्याक्सो ब्लेड प्रयोग गरेर झ्यालको डन्डी काटेर थुनुवा भागेका महानगरीय प्रहरी परिसरका प्रवक्ता (डिएसपी) होविन्द्र बोगटीले जानकारी दिनुभएको छ ।

प्रहरीले भागेका ४ थुनुवामध्ये दुई जनालाई पक्राउ गरेको छ । भागेका दुई थुनुवाको खोजी कार्य भइरहेको प्रहरीले जनाएको छ । उनीहरुको नाम गोप्य राखिएको छ ।

उनीहरु मोटरसाइकल चोरीमा संलग्न भएको आरोपमा पक्राउ परेका थिए ।