एट्लेटिको जितमा युभेन्ट्स पराजित

एजेन्सी । प्रि-सिजन टुर अन्तर्गत इन्टरनेसनल च्याम्पियन्स कपमा स्पेनिस क्लब एट्लेटिको मड्रिडले इटालियन क्लब युभेन्ट्सलाई हराएको छ ।

शनिबार राति भएको खेलमा एट्लेटिकोले युभेन्ट्सलाई २-१ गोल अन्तरले हराएको हो ।

एट्लेटिकोलाई जित दिलाउन जोओ फेलिक्सले दुई गोल गरे । युभेन्ट्सका सामी खेडिराले एक गोल फर्काए ।

खेलको २४ औं मिनेटमा फेलिक्सले गोल गर्दै एट्लेटिकोलाई अग्रता दिलाएका थिए । २९ औं मिनेटमा खेडिराले गोल गर्दै युभेन्ट्सलाई खेलमा फर्काए ।

जितसँगै एट्लेटिकोले ६ खेलमा ६ जित निकाल्दै प्रि-सिजन टुर सकाएको छ ।