पर्वतमा करेन्ट लागेर दुई जनाको मृत्यु

काठमाडौं । पर्वतको महाशिला गाउँपालिका–४ पाखापानीमा करेन्ट लागेर दुई जनाको मृत्यु भएको छ । शुक्रबार बिहान १० बजे विद्युत पोल गाड्ने क्रममा करेन्ट प्रवाह हुँदा सोहि ठाउँका २७ वर्षीय केशबहादुर क्षेत्री र ३० वर्षीय सुरेन्द्रबहादुर क्षेत्रीको घटना स्थलमा नै ज्यान गएको हो । करेन्ट लागेर स्थानीय भरत क्षेत्री घाइते हुनुभएको छ ।

महाशिला गाउँपालिका–४ पाखापानीमा फलामे पोल गाड्ने क्रममा उनीहरुलाई करेन्ट लागेको हो । महाशिला गाउँपालिकाका प्रवक्ता जीवन उच्चै ठकुरीले दिएको जानकारी अनुसार फलामे पोल गाड्ने क्रममा विद्युत प्रवाह भइरहेको लाइन पोलले छोएपछि उनीहरुलाई करेन्ट लागेको हो ।