किमलाई ट्रम्पको जवाफ, ‘म सँग झन ठूलो परमाणुका स्विच छ’

वासिंगटन, १९ पुस । अमेरिकी राष्ट्रपति डोनाल्ड ट्रम्पले उत्तर कोरियाली नेता किम जोङ–उनको चेतावनीको जवाफ दिएका छन् उनले सामाजिक सञ्जाल ट्विटरमा लेखेका छन्, ‘किम जोङलाई कसैले भनिदियोस् कि परमाणु बटन म सँग पनि छ र मेरोले काम पनि गर्छ ।’यसअघि नयाँ वर्षको उपलक्ष्यमा लिएको सन्देशमा अमेरिकालाई चेतावनी दिँदै किमले आफूसँग परमाणु परीक्षणको बटन सधैं हुने भएकाले अमेरिकाले कहिल्यै पनि युद्धको सुरुवात गर्न नपाउने बताएका थिए किमको चेतावनीको दुई दिनपछि जवाफ दिँदैं ट्रम्पले त्यसको प्रतिउत्तर दिएका हुन् । किमले आफ्नो हतियार नीतिबारे चर्चा गर्दै उत्तर कोरियाले भारी मात्रामा परमाणु हतियार र ब्यालेस्टिक मिसाइल बनाएर तैनाथ गर्न आवश्यक रहेकोमा जोड दिएका थिए ।