अमेरिकामा सवारी दुर्घटना : तीन जना नेपालीको मृत्यु, २ घाईते

अमेरिकाको मिजुरी राज्यमा भएको सवारी दुर्घटनामा परि तीन जना नेपालीको मृत्यु भएको छ। मृतक एकै परिवारका हुन् । मिजुरी २४९ को अन्तरराज्य राजमार्ग ४४ पूर्व जाने क्रममा ट्राफिक बत्तीमा रोकिएको उनीहरू सवार टोयोटा आरएभी ४ लाई सोही दिशामा गइरहेको टोयोटाको पिकअप ट्रकले पछाडिबाट ठक्कर दिएको थियो । स्थानीय प्रहरीका अनुसार मृत्यु हुनेमा श्रद्धा खनाल ओझा, उनका बुबा गोविन्द खनाल र आमा शान्ता खनाल छन्।

घटनामा श्रद्धाका श्रीमान् प्रभास ओझा र उनीहरूकी ४ वर्षिय छोरी घाइते भएका छन्। बालिका अवस्था चिन्ताजनक रहेको त्यहाका सञ्चारमाध्यमले जनाएको छ।