तराईमा चिसो र शीतलहरका कारण ९ जनाको मृत्यु

सप्तरी, २२ पुस । तराईमा चिसो र शीतलहरका कारण सिरहा र सप्तरीमा गरी ९ जनाको मृत्यु भएको छ एक साता यता चलेको शीतलहरसँगैको चिसो हावाका कारण सप्तरीमा ६ र सिरहामा तीन जनाको मृत्यु भएको हो । चिसोका कारण गोलबजार नगरपालिका–२ का ७० वर्षीय रामप्रसाद महतो र वडा नम्बर ४ का ६ वर्षीय लवकुमार साहको मृत्यु भएको छ त्यसैगरी धनगढीमाई नगरपालिका–७ का ५५ वर्षीय रामरतन महतोको पनि चिसोका कारण मृत्यु भएको प्रहरीले जनाएको छ चिसोका कारण सप्तरीको महादेवा गाउँपालिका–२ अकवरपुरका ५८ वर्षीय सुकदेव यादवको शुक्रबार मृत्यु भएपछि मृतकको संख्या ६ पुगेको हो अत्याधिक चिसोका कारण बिरामीको संख्यासमेत बढ्दै गएको छ । अस्पतालहरुमा चिसोबाट प्रभावित भएकाहरुको भीड लागेको छ । शितलहरका कारण सर्वसाधारणलाई घरबाहिर निस्कन समस्या भएको छ ।