पहिलो अन्तरिक्ष कार्यक्रमको नेतृत्व गरेका अन्तरिक्षयात्री जोन योङ्गको निधन

वासिंगटन, २३ पुस । दुई पटक चन्द्रमामा पुगेका र पहिलो अन्तरिक्ष कार्यक्रमको नेतृत्व गरेका अमेरिकी अनुभवी अन्तरिक्षयात्री जोन योङ्गको ८७ वर्षको उमेरमा निधन भएको छ हालसम्म नै सर्वाधिक समय अन्तरिक्षयात्रीका रुपमा काम गरेका उनले एपोलो र जेमिनिसहितका अन्तरिक्ष अभियानमा सहभागिता जनाएका थिए । उनले ६ पटक अन्तरिक्षको भ्रमण गरेका थिए अमेरिकी अन्तरिक्ष एजेन्सी नासामा ४२ वर्ष काम गरेर उनले सन् २००४ मा अवकाश लिएका थिए । जेमिनि, एपोलो र अन्तरिक्षयान कार्यक्रम अन्तर्गत काम गर्ने उनी एकमात्र व्यक्ति पनि हुन् । नासाले निमोनियाका कारण उनको निधन भएको पुष्टि गरेको छ सन् १९३० मा सन फ्रान्सिस्कोमा जन्मिएका योङ्गले जर्जिया इन्स्टिच्युट अफ टेक्नोलोजीबाट एइरोनोटिकल इन्जिनियरिङको पढाइ पूरा गरेर अमेरिकी नौसेनामा परीक्षण पाइलटका रुपमा काम गरेका थिए सन् १९६२ मा नासामा अन्तरिक्षयात्रीको जागिर शुरू गरेका उनी सबैभन्दा पहिले सन् १९६५ मा ‘जेमीनी थ्री’ मिशन अन्तर्गत अन्तरिक्षमा गएका थिए पृथ्वीको परिक्रममा गरिरहँदा उनले लुकाएर पु¥याएको स्यान्डवीच आफ्ना सहकर्मी गुस ग्रिसस्मलाई दिएका थिए । नासाले उक्त कदमका लागि उनको आलोचना गरेको थियो सन् १९६९ को मे महिनामा चन्द्रमाका लागि उडेको अन्तरिक्ष तयारी मिशन ‘एपोलो टेन’ मा पनि उनी सहभागी थिए । योङ्गले एपोलो टेन मिशनको नेतृत्व गरेका थिए त्यसको दुई महिनापछि ‘एपोलो इलेभेन’ मिसनले चन्द्रममा अवतरण गरेको थियो योङ्ग आफैं चाहिँ सन् १९७२ मा ‘एपोलो सिक्सटिन’ मिशनको टोली नेताका रूपमा चन्द्रमामा हिँडेका थिए । सोही समयमा उनले सहकर्मी चाल्र्स ड्युकसँग मिलेर चन्द्रमाबाट चट्टान र माटोको नमुन संकलन गरेका थिए सन् १९८१ मा योङ्गले नासाको पहिलो ‘स्पेस सटल’ कोलम्बियाको उद्घाटन उडानको नेतृत्व गरेका थिए । त्यसको दुई वर्षपछि कोलम्बियाको नेतृत्व गर्दै पहिलो ‘स्पेसल्याब’ मिशनमा उडेपछि उनी ६ वटा अन्तरिक्ष अभियानसँग जोडिने पहिलो व्यक्ति बनेका थिए । त्यो उनको अन्तिम अन्तरिक्ष यात्रा थियो सन् १९८६ मा उनले अर्को अन्तरिक्ष उडानको नेतृत्व गर्ने बताइएपनि त्यसैवर्षको शुरूमा ‘च्यालेन्जर’ नामक अन्तरिक्षयान विस्फोट भएपछि त्यसलाई रद्द गरिएको थियो उनको निधनप्रति दुःख व्यक्त गर्दै नासाले विश्वले एक जना अग्रणी व्यक्ति गुमाएको प्रतिक्रिया दिएको छ ।