तिलोत्तमा प्रिमियर लिग शुरु

रुपन्देही । तिलोत्तमा प्रिमियर लिगको तेस्रो संस्करण आजदेखि तिलोत्तमा नगरपालिकामा शुरु भएको छ । तिलोत्तमा क्रिकेट विकास समितिको आयोजनामा सञ्चालन भएको उक्त प्रतियोगिताको प्रदेश नं ५ का सामाजिक विकासमन्त्री सुदर्शन बरालले उद्घाटन गर्नुभयो ।

प्रतियोगिताको उद्घाटन खेलमा सुपर–११ भैरहवालाई चार विकेटले पराजित गर्दै ‘पाल्पाली लेजेन्ट्स’ विजयी भएको छ । टस हारेर ब्याटिङ गरेको भैरहवाले सबै विकेट गुमाउँदै एक सय ३६ रन बनायो ।

एक सय ३७ रनको विजय लक्ष्य पाल्पाली लेजेन्ट्सले छ विकेटको क्षतीमा पूरा ग-यो । तिलोत्तमा नगरपालिका–६ स्थित नवजीवन क्लबको खेल मैदानमा शुरु भएको प्रतियोगितामा प्रदेशका १० टोली सहभागी छन् ।

प्रतियोगिताको विजेताले रु चार लाख तथा उपविजेताले रु दुई लाख पुरस्कार प्राप्त गर्नेछ । आइतबार पहिलो खेल तिनाउ टाइटन्स र रेन्बो ज्ञानोदय गोल्डस्बीच तथा अर्को खेल सियारी राइनोज र पाल्पाली लेजेन्ट्सबीच हुनेछ । रासस