हत्या आरोपमा पक्राउ परेका सांसद आलम पदबाट निलम्बित

काठमाडौं । हत्या आरोपमा पक्राउ परेका सांसद मोहम्मद अफताब आलम पदबाट निलम्बित भएका छन् । संसद सचिवालयले सोमबार एक सूचना जारी गर्दै आलम निलम्बनमा परेको जानकारी दिएको हो ।

रौतहट क्षेत्र नं. २ बाट निर्वाचित सांसद तथा पूर्वमन्त्री आलम आइतबार पक्राउ परेका थिए ।

कांग्रेस केन्द्रीय सदस्यसमेत रहेका आलममाथि पहिलो संविधानसभाको निर्वाचन बुथ क्याप्चर गर्ने उद्देश्यले आफ्नै घरमा बम बनाउन लाग्दा बम विस्फोट भई पड्केर घाइते भएहरुलाई इँटा भट्टामा पोलेर मारेको आरोप लागेको छ ।