काठमाडौं । गैरआवासीय नेपाली संघ (एनआरएनए)का वर्तमान उपाध्यक्ष कुल आचार्यले प्यानलसहित अध्यक्षमा उम्मेदवारी घोषणा गर्नुभएको छ ।
सोमबार दिउँसो काठमाडौँमा पत्रकार सम्मेलन गर्दै उहाँले उम्मेद्वारी घोषणा गर्नुभएको हो । उहाँको प्यानलबाट उपाध्यक्षहरुमा केशव पौडेल (अमेरिका) नरेन्द्र भाट (कतार), मन केसी (अष्ट्रेलिया) र रविना थापा (अमेरिका) हुनुहुन्छ ।
यस्तै महासचिवमा जानकी गुरुङ र कोषाध्यक्षमा सोम सापकोटाको उम्मेदवारी परेको छ । उपाध्यक्षका उम्मेदवार पौडेल महासचिवका दावेदार हुनुहुन्थ्यो । तर, सहमतिपछि गुरुङलाई महासचिवमा समर्थन गरेर आफू उपाध्यक्ष उठेको उहाँले जानकारी दिनुभयो ।
आचार्यले अहिलेसम्म आफूले एनआरएनको कुनैपनि चुनाव नहारेको भन्दै यो पटक पनि जित सुनिश्चित रहेको दाबी गर्नुभएको छ । सो क्रममा उहाँले आफ्नो १० वटा प्रतिबद्धता सार्वजनिक गरेका थिए ।
एनआरएनएको नवौं विश्व सम्मेलन असोज २८ र २९ गते काठमाडौंमा हुँदैछ ।
यो खबर पढेर तपाईलाई कस्तो महसुस भयो ?
प्रतिक्रिया