राष्ट्रिय क्रिकेट टिमका कप्तान पारस खड्काले दिए राजीनामा

काठमाडौं । नेपाली राष्ट्रिय क्रिकेट टिमका कप्तान पारस खड्काले राजीनामा दिनुभएको छ । आज एक प्रेस विज्ञप्ति जारी गर्दै खड्काले राजीनामाको घोषणा गर्नुभएको हो । आईसीसीले नेपाल क्रिकेट संघ (क्यान)को निलम्बन सोमबार मात्र फुकुवा गरेको थियो । त्यसको भोलिपल्ट उहाँले राजीनामा दिनुभएको हाे ।

१० वर्षदेखि राष्ट्रिय टोलीका कप्तान रहनुभएका खड्का नेपाली क्रिकेट टोलीका सफल कप्तान मानिनुहुन्छ । साथै उहाँले नेपाली क्रिकेटमा लामो समय उत्कृष्ट प्रदर्शन गरिसक्नुभएको छ ।