काठमाडौं – तपाई कलंकी थानकोट नागढुंगा नौबिसे सडकखण्डमा यात्रा गर्दै हुनुहुन्छ ? सचेत हुनुहोस् । ट्राफिक प्रहरीले कलङ्की–थानकोट र नागढुङ्गा–नौबिसे सडकखण्ड मर्मत कार्य भएकाले ट्राफिक व्यवस्थापनमा सहयोग गर्न सडक प्रयोगकर्तालाई आग्रह गर्दै एक विज्ञप्ती जारी गरेको छ । सामाजिक सञ्जाल फेसबुक पेज मार्फत ट्राफिक प्रहरीले भनेको छ, यो बाटो मर्मतसम्भारको काम भइरहेको कारण एकतर्फि रुपमा मात्रै सञ्चालन हुनेछ । महानगरीय ट्राफिक प्रहरी महाशाखाले आज एक विज्ञप्ति जारी गरी सडक विभागद्वारा सडक मर्मत कार्य गर्ने भएकाले सडक एकतर्फी मात्र सञ्चालन हुने भएकाले ट्राफिक व्यवस्थापनमा सहयोग गर्न आग्रह समेत गरेको छ । पृथ्वी राजमार्ग अन्तर्गत पर्ने नागढुंगा नौबिसे सडक अहिले निकै बिग्रेको छ । बिचसडकमा ठूला खाल्डाखुल्डी छन् ।
कलङ्की–थानकोट सडकखण्डमाआज बिहान ९ बजेदेखि दिउँसो १ बजेसम्म मर्मत कार्य हुँदैछ । दिउँसो १ बजेपछि नागढुंगा – नौबिसे सडकखण्डमा मर्मतसंभारको काम हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया