साउदीमा बस दुर्घटना हुँदा ३५ जनाको मृत्यु

काठमाडौं । साउदी अरेबियामा तीर्थयात्री बोकेको बस र ट्रक ठोक्किँदा ३५ जनाको मृत्यु भएको छ ।

प्रहरीका अनुसार बुधबार साँझ करिब सात बजे अल–अखल क्षेत्रमा बस दुर्घटना भएको थियो । बसमा ३९ जना यात्रु सवार थिए । अन्य चार जना गम्भीर घाइते भएको मदिना प्रहरीले जनाएको छ ।

ज्यान गुमाउनेहरुमा धेरैजसो एसियाली र अरब मूलका नागरिक रहेका छन् । घाइतेहरुको अल हमना अस्पतालमा उपचार भइरहेको प्रहरीले जनाएको छ ।