मादक पदार्थ सेवन गरी प्रहरीकाे यस्तो हर्कत : मध्यरातमा घरभित्रै पसेर एकल महिलाको बलात्कार !

काठमाडौं । सुनसरीमा मादक पदार्थ सेवन गरी एक प्रहरीले एकल महिलालाई बलात्कार गरेका छन् ।

सुनसरीको धरान उपमहानगरपालिका -४ स्थित पत्रङबारी प्रहरी चौकीका इन्चार्ज प्रहरी सहायक निरीक्षक पिताम्बर अधिकारीले घरमै पुगेर बलात्कार गरेको महिलाले आरोप लगाएकी छिन् ।

मादक पदार्थको नशामा रहेका प्रहरी सहायक निरीक्षक अधिकारीले गएको बुधबार मध्यरातमा घरमा सुतिरहेका बेला घरमा प्रवेश गरी आफूमाथि जबर्जस्ति करणी गरेको ती महिलाले प्रहरी समक्ष बयान दिएकी छन् ।

‘पीडित’ महिलाले शनिबार इलाका प्रहरी कार्यालय धरानमा किटानी जाहेरी दिएपछि अधिकारीलाई पक्राउ गरिएको छ ।

अधिकारीलाई नियन्त्रणमा लिई अनुसन्धान थालिएको प्रहरीले जनाएको छ ।