काठमाडौंमा बसको ठक्करबाट एकको मृत्यु

काठमाडौं । काठमाडौंको स्वयम्भूस्थित हलचोकमा बसको ठक्करबाट एक महिलाको मृत्यु भएको छ ।

काठमाडौंको हलचोकमा बिहान ९ बजे बा४ख ८४०६ नम्बरको बसको ठक्करबाट नागार्जुन नगरपालिका–३, ठुलो भ-याङ बस्ने ६७ वर्षीया सानुमाया श्रेष्ठको मृत्यु भएको महानगरीय ट्राफिक प्रहरी महाशाखाले जनाएको छ ।

गम्भीर घाइते भएकी उनको उपचारको क्रममा स्वयम्भुस्थित मनमोहन अस्पतालमा मृत्यु भएको हो । बससहित चालकलाई प्रहरीले नियन्त्रणमा लिएको छ ।