काठमाडौं । भारत घुम्न गएका नेपाली पर्यटकको कार चोरी भएको छ । भारतको उत्तराखण्ड राज्यस्थित प्रख्यात पर्यटकीय क्षेत्र नैनीताल घुम्न गएका बेला कार चोरी भएको हो ।
सुदूरपश्चिम प्रदेशको महेन्द्रनगर स्थायी भइ अमेरिका बस्दै आएका दीपकराज घर आएको बेलामा आफ्नो परिवारजन र साथी लिएर नैनीताल घुम्न गएका थिए ।
गत सोमबार नैनीताल पुगेका उनीहरु चिडियाघर रोडस्थित एक होटलमा बसेका थिए । पार्किङ गरेको ठाउँबाटै राति कार चोरी भएको बताइएको छ ।
कार चोरी भएको तिनदिन बित्दा समेत प्रहरीले कार फेला पार्न वा चोरहरुको बारेमा पत्ता लगाउन नसकेको भारतीय अखबार ‘अमरउजाला’ को अनलाइन संस्करणमा जनाइएको छ ।
साथै होटल तथा आपसासका क्षेत्रमा रहेका सीसीक्यामेराको मद्दतबाट चोरहरुका बारेमा पत्ता लगाउने प्रयास भइरहे पनि सफलता मिल्न नसकेको उक्त अखबारले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया