खोटाङ हलेसीमा बस दुर्घटना : १३ जना घाइते, दुईको अवस्था गम्भीर

काठमाडौं-  दिक्तेलबाट विराटनगर जाँदै गरेको बस खोटाङको हलेसी चुवाचुङ नगरपालिका वडानम्बर १० मा बस दुर्घटना हुँदा १३ जना घाइते भएका छन् । घाइतेमध्ये दुई जनाको अवस्था गम्भीर छ ।

बुधबार बिहान ७ः४० बजेतिर सो दुर्घटना भएको हो । सदरमुकाम दिक्तेलबाट विराटनगर जाँदै गरेको को १ ख ६३२० नम्बरको बस कामिडाँडा भन्ने स्थानमा दुर्घटना भएको थियो । घाइते सबैलाई उपचारका लागि जिल्ला अस्पताल दिक्तेलमा ल्याइएको छ । घाइतेहरुको बृस्तीत विवरण आइसकेको छैन ।